Grunneger Resepten




		Beheerster: Trijn van der Veen Langeleegte 192 tel. (0598) 63 34 96 RaboBank NL54 RABO 0314023100 KvK nr. 40037193


	Buurt en Speeltuinvereniging Langeleegte




	Langeleegte 159, 9641 GW Veendam, tel. (0598) 62 71 17

		Op deze website wordt U op de hoogte gehouden van de activiteiten, en er worden foto's van de activiteiten geplaatst op deze site die U ook kunt downloaden. Ook hebben wij een buurtkrant die vanaf nu ook via deze website te downloaden is. Mocht u nog geen lid zijn, dan kunt u natuurlijk gewoon lid worden. U kunt dit doen door dit aanmeldformulier te downloaden.




	administratie@langeleegte.nl info@langeleegte.nl ukkiemorgen@langeleegte.nl webbeheerder@langeleegte.nl





	Advertentie’s


	Olderwetse Grunneger Resepten


	Moeke’s olderwetse Grunneger Krentjebrij Wat mout der in: 5 kan wotter 1/3 koppie görde 400 gram rezienen 300 gram proemen 300 gram abrikozen 1 puutje dreuge appeltjes 2 en haalf koppie edik 2 en haalf eetlepels knail 4 eetlepels sukker 1 pakje rode frambozen kookpudding (john moir)


	Hou mout je t doun: Zet de vief kan wotter op stel in n pane en moak t aan de kook. Dou de sukker d'r bie en de knail. Dou de rezienen, de proemen, abrikozen, de dreuge appeltjes, haalf koppie edik d'r bie en de görde en bring ‘t aal mitnander aan de kook, loat dai haile brut 45 minuten prutteln tot t zo'n beetje goar is. t Leste ketaaier 1 pakje rode frambozen kookpudding (john moir)der bie in. Nog even en joen krentjebrij is kloar om te eten.


	Snert

	Wat der veur nödeg is: 500 gram split aarwt’n 1 pond frizze wôst 1 pond speklapp’n 1 dröge grunneger wôst 1 snert pakket (Zwienehak enz.) 2 dikke preien 3 á 4 siepels 3 nuvere eerdappels vers gemoaln peper snoefje zôlt


	Hou mout je t doun: 1. Dou ‘t snert pakket in ‘n paan mit 2 en haalf liter wôter. 2. Bring dit aan de kook en trek hier ‘n boelion van. 3. Aas d boelion kloar is, hoal din de bonk’n der oet. 4. Voug nou de Split aarwt’n tou. 5. Bring ‘t aal mitnander aan de kook, schep mit ‘n spoan de schoem deroaf 6. Voug nou de wôst’n en de speklapp’n tou. 7. Snie de Prei in stôkjes en was ‘t, vougt nou ien de paanne tou. 8. Snie de Siepels in ring’n in de soep. 9. Schil de eerdappels en snie ze ien klaine stôkjes, dou ze ien de snert 10. Loat de snert nou ‘n poar uur trekk’n, oaf en tou ruiern, aans braand aan. 11. Moak de snert oaf mit zôlt en peper. 12. Hoal de speklapp’n deroet. 13. Snie twai speklapp’n in dobbeltjes en dou dit weer in de snert. Serveert gehail mit roggebrood mit spek en mosterd.


	Nijjoarsstampot

	Wat der veur nödeg is: . 500 gram snieboonn . 250 gram widde boonn . 1 kilo eerdappels . 200 gram rooktspek (dobbeltjes) . 1 snoefke zolt . neutmuskoat (noar aign smoak) . 50 gram botter . frizze wôst of rookwôst


	Hou mout je t doun: 1. Dou d widde boonn in n paan mit wotter en loat ze n nacht waikn. 2. Kook in t waikwotter d boonn in 1 uur goar, loat ze in n vergeit oetlekkn. 3. Waz d snieboonn en snie ze fien, schil d eerdappels en snie ze in klaine veureltjes. 4. Lêg d eerdappels soamn mit d spekdobbeltjes in n paan, dou der zoveul wotter bie, dat alles haalf onner wotter stoat. 5. Doarnoa d snieboonn derboovn op lêggn mit d wôst en n snoefke zolt, bring t aan d kook en loat t in 30 minuutn goar kookn. 6. Hoal d wôst oet d paan en geit ‘t gehail oaf, stamp nou d eerdappels, snieboonn en spekjes. 7. Schep d oetgelekte widde boonn der veurzichtig deur, loat d stampot nog eevn goud waarm wordn. Presentair d stampot in n schoal, opmoakt mit plakjes wôst.


	Hait Bier

	Wat der veur nödeg is: 1 liter donker bier 3 kruudnoagels 'n stukje piepkanail ¼ sitrounschil 2 aaier 125 gram broene sûker 1 dl brandewien of rum


	Hou mout je t doun: 1. 't bier op 'n loag vuurke verwaarmn mit d kruudnoagels, kanail en sitrounschil. 2. Teegn d kook aan loatn kommn en nog sikom 10 minuutn zachkes loatn trekkn. 3. 't bier zeev'n. De aaier mit d sûker in 'n kom löskloppn. 4. 't bier der aal kloppnd langzoam biegait'n. 5. Aal ruiernd dit mengsel weer ien 'n paan op 'n loag vuurke licht bind'n loat'n. 6. Nait loatn kookn! 7. Dou d brandewien of rum der bie. drank waarm opdainn.


	Advokoat

	Wat der veur nödeg is: 150 ml brandewien 1 vanille stokje 10 aier 150 gram sûker


	Hou mout je t doun: 1. Vanillestokje overdwaars deursniedn en d vanille maarg deroet schraapn mit n meske. 2. D aiern goud löskloppn in n roeme bak en op n peerdezaiv of n theezaivke loatn oetlekkn. 3. Din d aiern trug doun in d bak en mengn mit sûker, vanille maarg en brandewien. 4. Onnertied n paan mit wôtter aan d kook brengn, d bak in de pan zettn en op n leeg vuurke zettn. 5. Nou mit n goarde goud kloppn en hol d randn goud in d goatn dat 't ai nait aan goat stolln en blief onnertied goud kloppn tot 't mengsel der schoemeg en lobbeg oetzugt. 6. De bak deroet hoaln en in kolt wôtter zettn en veurzichtig ruiern tot 't bienoa kolt is. 7. Din d advokoat weer deur n zaiv hoaln. Advokoat kin opburgn wordn in n gesteriliseerde sjempot mit deksel of wat aanders dat der opliekt n vlezze of n bakje


	Spekdikk’n

	Wat der veur nödeg is: 500 gram Roggemeel 750 gram Garste- of Tarwe-bloum 4 aier 1 liter mêlk n snoefke zôlt 200 à 250 gram stroop 250 gram broen sûker 30 gram bôtter 3 dröge wôst'n 200 gram rookspek


	Hou mout je t doun: 1. Aale bestandail'n moutn op koamertemperatuur weed'n. 2. n Oavend van 't veurn 't meel en d mêlk mengen. 3. Volgnde dag aale bestanddail'n deur mekoar ruiern tot n dik beslag, moar zunder wôst en spek. 4. Op d haite Woafel- of Kniep koekjesiezer n poar plakjes spek en wôst lêgn. 5. Hierop 't beslag geitn. 6. Door weer boovn op, spek en wôst lêgn. 7. Dou nou 't iezer dicht en bak de kouk op n haalf hoog vuurke, goar en goltbroen.


	[Home] [Activiteiten] [Nieuwspagina] [Bestuur] [Agenda] [Over ons] [Huisregels] [Uitslagen competitie's] [Plattegrond] [Grunneger Resepten] [Tech Nieuws] [Kookrubriek] [Foto's]